- ارسال کننده: مداح حسین قاسمی تاریخ: ۹۴/۱۰/۲۷

شعر زیبا در وصف حضرت زینب(س)ازکربلایی بهزاد قاسمی

چوخ گوزومه چکمه زلیخالری

اسوه ی عشق ایلمه لیلالری

بوشلا پری رولری هورالری

بوشلا وجاهتلی دلارالری

بوشلا حدیث دل دیواننی

بوشلا شراره پر پرواننی

منسبه باخ منسبه باخ منسبه

عشق اوزیده عاشیق اولوب زینبه

دوزدی دوشوب درده اسارت گونی 

دوزدی یانوب معجری غارت گونی

دوزدی سینیب آیینه منصبی 

دوزدی باتوبدور قانا چادور شبی

سینه ی ایمانی ولی یارمیوب 

همته باخ دوشمنه یالوارمیوب 

بحر کیمین ئوز صدفین ساخلیوب 

قولاری باقلی شرفین ساخلیوب

خار الیوب حاکم لا مذهبی 

ثابت ایدوب عالمه بو مطلبی

طیبه دور اطیب الانفاس تک 

غیرتی واردور آقام عباس تک

بهزاد قاسمی اردبیلی

کانال اردبیل مهد تشیع

@ardabil_darolershad

1
1